لوحدى اتمنى اكون
بين الشدايد والمحون
اصرخ بعلو الصوت
قلبى عايش ولا بيموت
نفسى اتكلم وابوح
بقيت عايشه حلاوة روح
تعبت من كتر السكوت
واهى الايام عليا بتفوت
دى حياه عاديه ولا حياة قهر
مش عارفه طعم الدنيا حلو ولا مر
آه لو كنت لوحدى
آه لو اقدرابكى
آه لو اقدر اتكلم
كان قلبى بطل يتألم
واعمل ايه....
برضو جواياه شئ مكسور
مش من ازاز ولا بلور
ده لحم ودم
بيحس بالفرح والهم
بيحب
وعمره مايكره
حتى لو انجرح
حتى لو اتنسى
مبيعرفش ينسى
ولو قسيت عليه الدنيا
مبيعرفش يقسى
عايش على الامل والنور
بيحلم بس لو حلمه يعدى السور
بيحلم لو فوق يطير
مع الحمام والعصافير
يكسر حديد وقيود
يلاقى الحلم الموعود
كفايه انه يعيش فى دنيا
مش يعيش فى تابوت
ليست هناك تعليقات:
إرسال تعليق